الشعرية باللبن
وهى عبارة عن شعرية عادة نحمصها فى طاسة حتى تحمر ثم نضيف اليها اللبن تدريجيا يعنى شوية ولما تغلى نزود وهكذا حتى تستوى لان لو صبينا اللبن مرة واحدة هتتشربه وتعجن وهى المفروض تبقى شبه الشوربة وبعدين نزودها ملح حسب الرغبة
وطعمها تحففففففففففه...
وفى اكله كمان بالشعريه هى
الشعرية بالسكر:
نسلق الشعريه فى ماء عادى حتى تنضج وتشرب مائها ثم نضيف لها السكر وناكلها
البامية:
اولا بامية بالصلصة معروفة طبعا "تسبيكة اللى هى بصل محمر مضاف له طماطم معصورة وبعدين تترك على النار حتى تتسبك ثم نضع فيها البامية وافضل طعم ليها لما بتتزود لحمة ضانى وشوربة ضانى وتتحط فى طاجن فخار وتغطى وشها بورقة فويل وسيبيها تستوى فى الفرن براحتها
